Паводле звестак Centralny Ośrodek Informacji Gospodarczych, на канец 2024 года ў Падляскім ваяводстве было зарэгістравана 840 кампаній з беларускім капіталам — гэта 11,18% ад агульнай колькасці беларускіх кампаній у Польшчы, піша журналіст Вадзім Сеховіч у сваім Telegram-канале.
Топ-25 найбуйнейшых беларускіх бізнесаў у ваяводстве пачынаецца з аўтаперавозчыка Azonik, былога ўдзельніка холдынга APS беларуска-расійскага бізнесмена Васіля Смятаніна.
Другое месца заняў хімічны і газавы трэйдар WGT Group, 50% у якім належыць беларусу Аляксею Навіцкаму.
Трэцяе месца — у дыстрыб’ютара FMCG-асартыменту Komtec. Яго ўласнікі — Ілья Каралевіч, Аляксей Карабан і Дзмітрый Ермалоўскі.
На чацвёртым месцы — кампанія Bilax, якая ў 2023 годзе ўзначальвала рэйтынг беларускага бізнесу ў Падляскім ваяводстве. Гэтая кампанія з’яўляецца часткай транспартнай Belsys Group, якой валодае чацвёрка бізнесменаў — Андрэй Новікаў, Андрэй Куніцкі, Валянцін Сямёнаў і Яўген Гулевіч.
Пяты радок займае лагістычная кампанія Bagat братоў Яўгена і Аляксандра Боханаў і Яўгена Турава.
Агулам ТОП-25 абнавіўся за год больш чым напалову — на 13 кампаній. Сярод навічкоў таксама, напрыклад, яшчэ адзін «смятанінскі» бізнес BIRC Transport і найбуйнейшы сэрвіс па дастаўцы ў Беларусь замоўленых тавараў з Польшчы і ЕС Privoz. Два такія ж сэрвісы, Cenabud і Gormat Trade, па выніках 2024-га, наадварот, пакінулі спіс.
Вось так выглядае ўвесь ТОП-25 бізнесаў беларусаў у польскім памежным ваяводстве (кампаніі, у якіх доля грамадзян Беларусі складае не менш за 25%):
- Azonik (Беласток, транспарт і лагістыка)
- WGT Group (Беласток, гандаль)
- Komtec (Беласток, гандаль)
- Bilax (Беласток, транспарт і лагістыка)
- Bagat (Беласток, транспарт і лагістыка)
- BGT (Беласток, транспарт і лагістыка)
- Rihami Chleb (Беласток, гандаль)
- Privoz (Беласток, гандаль)
- Biol (Беласток, паслугі)
- Expi Group (Беласток, гандаль)
- Bortgroup (Беласток, гандаль)
- Transexpedition Polska (Беласток, транспарт і лагістыка)
- BIRC Transport (Беласток, транспарт і лагістыка)
- Beleks Bialystok PL (Беласток, транспарт і лагістыка)
- EG Logistics (Беласток, транспарт і лагістыка)
- Balttrans (Беласток, гандаль)
- Miwada (Беласток, паслугі)
- Optix Abadowski i wspólnicy (Хорашч, гандаль)
- В-Trans (Беласток, транспарт і лагістыка)
- TAC Logistic (Беласток, транспарт і лагістыка)
- Euroway Truck (Беласток, транспарт і лагістыка)
- JP Company (Беласток, гандаль)
- K.A.Trading (Беласток, гандаль)
- Fast Cargo Lines (Беласток, транспарт і лагістыка)
- JT Logistic (Беласток, транспарт і лагістыка)