Беларускі бар Beer Station Praga, які знаходзіцца ў варшаўскім раёне Прага, з 22 кастрычніка спыняе працу. Прычына — праблемы з суседзямі, паведамілі ўладальнікі ў сацыяльных сетках.
Платформа для жаночага здароўя Flo Health, заснаваная беларускімі ІТ-прадпрымальнікамі Юрыем і Дзмітрыем Гурскімі, і падраздзяленне Google Health заключылі пагадненне аб шматгадовым стратэгічным партнёрстве.
Беларускі музыка Лявон Вольскі і рэжысёрка Дар'я Каляда запусцілі краўдфандынгавую кампанію для фінансавання здымак кліпа на новую песню «Пакідаем на потым». Агульны бюджэт праекта заяўлены ў памеры €2500, якія трэба сабраць да 15 кастрычніка.
Беларус Аляксей Картыннік, які ў сеціве вядомы як блогер АйЦіБарада, «навайбкодзіў» беларускую версію вядомай гульні «Аліяс», дзе трэба тлумачыць загаданыя словы, не называючы іх.
Форум беларускай моладзі пройдзе 10 кастрычніка 2026 года ў Варшаве. Будуць панэльныя дыскусіі ў некалькіх тэматычных кірунках, кірмаш вакансій і кар'еры, а таксама вячэрняя культурная праграма. «Справы» — суарганізатар і генеральны спонсар форума.
Новых кампаній з беларускім капіталам у Польшчы ў 2026 годзе рэгіструецца больш, чым летась, а закрываецца — менш. Пра гэта сведчаць звесткі з рэестра Centralny Ośrodek Informacji Gospodarczej (COIG), якія прааналізаваў эканамічны журналіст Вадзім Сяховіч.
Тэхналагічны стартап AINA, заснаваны беларускай Наталляй Міхнавец, сёння прадставіў свой прадукт на міжнароднай платформе Product Hunt. Сэрвіс AINA пазіцыянуецца як персанальны кар'ерны коўч на базе штучнага інтэлекту, які дапамагае спецыялістам зразумець, што можа перашкаджаць іх пошуку працы, палепшыць прафесійны профіль і падрыхтавацца да сумоўяў.
Крэатыўнае агенцтва Vondel Digital прадставіла абноўленую візуальную канцэпцыю прасторы беларускага стэнда Belarusians Worldwide на найбуйнейшай сусветнай тэхналагічнай канферэнцыі Web Summit 2026, якая пройдзе з 9 па 12 лістапада ў Лісабоне. У дызайне пераасэнсаваны традыцыйныя нацыянальныя матывы праз прызму лічбавай эпохі.
Новая кніга беларускага пісьменніка Віктара Марціновіча «Глыбіня» вышла ва ўроцлаўскім выдавецтве KEW. Паводле анонса, гэта вострасюжэтны постапакаліптычны раман з гісторыяй кахання і фіналам, які насамрэч — толькі пачатак.
На краўдфандынгавай платформе Kickstarter рыхтуецца да запуску праект аўтарскай калоды карт «Таро Выцінанка: беларуская калода, выразаная з паперы». Ствараюць іх дзве беларускі — майстрыня выцінанкі Вольга Бабурына (Palunisa) і таролаг і пісьменніца Наталля.
