ТОП 25 бізнесаў, якія куплялі і прадавалі беларусы ў Польшчы за апошнія два гады
Больш за 150 M&A-здзелак у Польшчы з удзелам беларусаў, у выніку якіх змяніўся ўладальнік кантрольнай долі ў бізенесу, налічыў за перыяд 2025 і тры кварталы 2026 года эканамічны журналіст Вадзім Сеховіч.
Аналізаваліся здзелкі беларускіх інвестараў, якія маюць кампаніі ў Польшчы — пры гэтым аб’ектам іх інтарэсу маглі быць актывы за межамі польскага рынку. Улічваліся толькі тыя продажы кампаній, у выніку якіх іх удзельнікі атрымлівалі як мінімум 51% у капітале (але за выключэннем відавочных транзакцый на карысць сваякоў і топ-менеджараў).
У ТОП 25 не патрапілі даволі шматлікія ў транспартна-лагістычнай галіне «перадачы» мажарытарных доляў (76% і вышэй) на «калектыўныя адрасы» ў Бялай Падляскай і Беластоку, уладальнікамі якіх з’яўляюцца некалькі беларусаў, якія маюць польскае грамадзянства. Як адзначае Вадзім Сеховіч, такая юрыдычная маніпуляцыя спатрэбілася транспартнікам, каб захаваць бізнес на рынку ЕС пасля ўвядзення ў 2024 годзе санкцый для кампаній з беларускімі або расійскімі заснавальнікамі.
ТОП 25 M&A-здзелак беларускіх інвестараў у Польшчы
1. Газавы тэрмінал аператара Alpetrol у Нараўцы
Аляксей Навіцкі (Беларусь/Польшча, WGT Group) — у польскага ўладальніка Grupa OniCo Славаміра Шчотка.
2. Газатрэйдар і газавы тэрмінал Glob-Terminal у Braniewo
Аляксандр Івановіч (Беларусь/Польшча, Centrumgaz) — у Сарда Сардарава (Расія/Кіпр).
3. Вытворца шклашарыкаў Weissker (Грайц, Германія)
Дзмітрый Чарненка (Беларусь/Польшча, Kontur Group) — у нямецкіх уласнікаў Weissker.
4. Трэйдар запчастак і лагістычны комплекс SP Europe (Варшава)
Пол Боксма (Нідэрланды) — у беларускіх уладальнікаў ГК «Армтэк» Вадзіма і Алега Грынкевічаў.
5. Аўтатранспартная кампанія DSPL (Варшава)
Ніколаз Гегучадзэ (Грузія) — у беларусаў Барыса Клімася, Таццяны Бразоўскай, Віталя Пушкіна.
6. Музычны сэрвіс Hangout.fm (Маямі, ЗША)
Ілья Лясун, Андрэй Аўсіевіч, Дзмітрый Камароўскі (Беларусь, GRAI) — у амерыканскай кампаніі Turntable Labs.
7. IT-кампанія Vi-Mera (Варшава)
Аляксандр Хоміч (Беларусь, AndersenLab Group) — у беларусаў Дзмітрыя Панка і Ніны Забелавай.
8. Аўтатранспартная кампанія Azonik (Беласток)
Ніколаз Гегучадзэ (Грузія) — у Васіля Смятаніна (Беларусь/Расія, «СДС-Транс»).
9. Чыгуначны перавозчык з рухомым саставам Eurotrans (Małaszewicze)
Адзін з найбуйнейшых сусветных кантэйнерных перавозчыкаў MSC (Італія) — у Марыі Беланогавай (Беларусь/Чэхія, Tacon).
10. Аўтагандлёвы бізнес Oceantrade (Радам)
Вольга Гіркоўска (Латвія) — у беларуса Ігара Чабатарэнка.
11. Сетка з 13 крам Samsung Brand Store (Варшава, Уроцлаў, Познань, Катавіцы, Лодзь і Шчэцін)
Сяргей Касцевіч (Беларусь/Кіпр, ASBIS Group) — у польскага ўладальніка кампаніі Matrix Media Пятра Віры.
12. Кармавы трэйдар Soytex (Варшава)
Эдгарс Бушынскіс (Латвія, Riagro) — у беларускага ўладальніка ГК Soytex Яўгена Коктыша.
13. Аўтадылер Autogood (Ламянкі)
Сяргей Бялоў (Малдова) — у беларуса Ігара Новікава.
14. Сэрвіс па дастаўцы сушы на тэрыторыі Польшчы Sushipak (Варшава)
Мікіта Муха (Польшча, Sushipak Operations) — у беларуса Максіма Вараб’ёва.
15. Трэйдар дзіцячых цацак Polesie Poland (Бяла Падляска)
Уладзімір Васілёнак (Беларусь/Ізраіль, ГК Dream Makers) — у беларусаў Андрэя Гольцмана, Пятра і Уладзіміра Ківакаў («ВП Палессе»).
16. Аўтатранспартная кампанія Rayteam (Варшава)
Андрэй Бабрыцкі (Беларусь/Польшча) — у беларускіх уладальнікаў кампаній Teamster (Літва) і Raywestex (Літва).
17. Будаўнічая кампанія Urus Budownictwo (Быдгашч/Варшава)
Ніколаз Лежава (Грузія) — у беларуса Уладзіміра Сняцко.
18. Франшыза салонаў прыгажосці G.Bar (Варшава, Кракаў, Уроцлаў, Лодзь, Познань, Гданьск)
Наталля Нікіфарава (Украіна) — у Лаўры Ключнікавай (Беларусь/Чэхія, L.A. Global).
19. Маркетплэйс Bygalamart (Asse, Бельгія)
Валерый, Алег і Вольга Сахашчыкі (Беларусь/Польшча, Sahaty) — у расійскага рытэйлера «Галамарт».
20. Інжынірынгавая кампанія Daks Holding (Катавіцы)
Леанід Ярамчук (Расія/Польшча, KML International Holding) — у беларуса Марціна Міхалоўскага.
21. Лагістычная кампанія Atlonstar (Уроцлаў)
Пётр Чайка (Польшча, TMR Group) — у Канстанціна Каралевіча (Беларусь/Літва, Saurena).
22. Забаўляльны клуб Angel’s Karaoke & Lounge Bar кампаніі WAD Group
Іван Расохін (Расія) — ва Уладзіміра Красулі (Беларусь).
23. Аўтатранспартная кампанія GoaTrans (Woskrzenice Duze)
Аляксандр Рышкевіч (Беларусь) — у Кірыла Борухава (Беларусь, Forever Young Kombucha).
24. Бар Legends кампаніі Legends (Варшава)
Аляксей Варонін (Беларусь, Gastrofan) — у брытанскага ўласніка Руса Грэма.
25. IT-кампанія Prime Netto (Варшава)
Лілія Фядзец (Украіна) — у беларуса Віталя Сабалеўскага (сетка «Тры цаны»).
Хочаце расказаць гісторыю свайго бізнесу, ініцыятывы або працы? Пішыце нам! Будзем разам натхняць беларусаў рабіць карысныя справы для сябе і грамадства.