Нацыянальны банк Беларусі прэзентаваў «КРОК» — нацыянальны плацёжны сэрвіс, праз які можна імгненна плаціць за тавары і паслугі наўпрост з банкаўскага рахунку, без выкарыстання плацёжных картак. Такім чынам Нацбанк разлічвае зменшыць залежнасць ад замежных плацёжных сістэм.
Беларуская кавярня Kakao, якая адкрывае другую пляцоўку ў Варшаве на вуліцы Кобельскай, 75, зноў сутыкнулася з праблемамі падключэння да электрычнасці.
Заснавальнікі міжнароднага ІТ-холдынгу Innowise Group браты Павел і Сяргей Арловы, як і многія іх калегі па галіне, вылучылі з бізнесу ўсходні контур.
Стартап Gero, які распрацоўвае лекі супраць старэння і ўзроставых захворванняў з дапамогай штучнага інтэлекту і фізічных мадэляў, прыцягнуў $17 млн новага фінансавання. У выніку агульная сума прыцягнутага акцыянернага капіталу кампаніі дасягнула $34 млн.
Цэнтр беларуска-габрэйскай культурнай спадчыны распрацаваў настольную гульню «Штэтл» — праект апублікаваны на краўдфандынгавай платформе Kickstarter.
Іван Шыла, сузаснавальнік клінінгавай кампаніі CleanWhale, прыдумаў і запусціў праект «1000 важных момантаў Беларусі», які за некалькі дзён сабраў мільён праглядаў і больш за 3,8 тысячы падпісчыкаў у Instagram.
Гаспадыня міні-гасцініцы ў Белавежскай пушчы падзялілася ў Threads скрынам запыту ад UGC-крэатара са 177 падпісчыкамі ў профілі. Гэтая галінка набрала больш за 23 тысячы праглядаў і ператварылася ў абмеркаванне досведу супрацоўніцтва бізнесу з блогерамі і інфлюэнсерамі.
Дэвелаперская кампанія Chicago Urban Development (CUD), якая належыць братам Валерыю і Алегу Сахашчыкам, завяршыла 2025 год з чыстым прыбыткам звыш 500 тыс. еўра. Прадпрымальнікі пачалі асвойваць новую для сябе нішу інвестыцый у жылую нерухомасць у 2024 годзе, і ўжо на другі год працы змаглі ў разы палепшыць фінансавыя паказчыкі.
Фотастудыя Koska, заснаваная беларусамі Аленай Гаўрыленкай і Эльшадам Акберавым у Варшаве, вымушана шукаць новае памяшканне і пакуль часова прыпыніла дзейнасць. Koska з'явілася ў 2022 годзе, і гэта была адна з першых руска-, украінска- і беларускамоўных фотастудый у Варшаве.
Польскі трэйдар прапану Аляксандр Івановіч, які мае пашпарты Беларусі і Польшчы, стаў уладальнікам газавага тэрмінала Glob-Terminal у раёне памежнага пераходу Бранева на польска-расійскай мяжы.
