Беларус Ілья Краснагір зарусціў стартап Opponent — мабільную аплікацыю, якая аб'ядноўвае аматараў спорту: дазваляе знайсці суперніка для гульняў альбо трэнера ў сваёй мясцовасці.
Эканамічны журналіст Вадзім Сяховіч прааналізаваў фінансавыя паказчыкі польскіх трэйдараў садавіны і гародніны і апублікаваў у сваім Telegram-канале топ-7 найбуйнейшых аптавікоў з беларускім капіталам.
У даведніку расказваецца, як валідаваць бізнес-ідэю і пацвердзіць рынкавы попыт, сфармаваць каманду і замацаваць дамоўленасці, а таксама вырашыць адміністрацыйныя, юрыдычныя і фінансавыя пытанні.
Персанальная выстава «На хвалях жыцця» беларускага мастака Антона Радзівонава адкрываецца 14 жніўня ў Музеі беларускай культуры ў польскай Гайнаўцы. Да пераезду ў Польшчу творца займаўся рэстаўрацыяй старадаўніх ікон у Нацыянальным мастацкім музеі Беларусі, працаваў над гульнявымі персанажамі ў IT-сферы і нават меў уласную майстэрню ў Мінску.
Вытворца здаровых снэкаў Pure Life, заснаваны беларусамі ў Польшчы, упершыню за сваю амаль васьмігадовую гісторыю пераадолеў адзнаку ў €1 млн гадавой выручкі ў 2025 годзе. Кампанія займаецца выпускам натуральных садавіна-ягадных ласункаў пад брэндам Porcja Dobra.
Чатыры гады таму ва Уроцлаве з'явілася кафэ «Шэры Заяц», якое стала прытулкам для беларусаў з усяго свету. Уладальнікі кафэ Таццяна і Алег расказалі пра слёзы над баршчом, сацыяфобаў, салодкія дранікі і скаргі канкурэнтаў.
Кракаўскі блогер і гід Глеб Ляпейка і дызайнерка Саша Мулінская распрацавалі і выдалі «Вайбовы гайд па Кракаве» на беларускай мове. За першы месяц пасля запуску ўжо прададзена больш за 110 друкаваных асобнікаў.
Валер Астрынскі зарабляў мільёны долараў на гандлі сталлю ў Беларусі, інвеставаў у IT-стартапы, уваходзіў у ТОП-200 найбагацейшых людзей краіны. Аднак у 2021 годзе праз крымінальную справу аб падатках дзесяцігадовай даўніны беларус страціў бізнес. У эміграцыі 48-гадовы бізнесовец пачаў усё з нуля — стварыў праект Stativa па вытворчасці мабільных хатак для адпачынку.
Пра тое, як гэта — абеларушчваць слодычы, саромецца ставіць на свае прадукты высокія кошты і ўвесь час эксперыментаваць — расказаў стваральнік брэнду «Каларыт» Анатоль Глембоцкі.
Уладальнік BurgerLab Станіслаў Батурчык расказаў пра тое, чаму давялося цалкам перагледзець меню, як падатковая сістэма прымусіла скараціць штат і праз якія фінансавыя крызісы прайшла каманда, каб нарэшце выходзіць у плюс.
