Люба і Антон родам з Гродзенскага раёна. Пазнаёміліся ў Гданьску, калі працавалі ў беларускай кавярні: Антон — кухарам, Люба — афіцыянткай. З часам вырашылі працаваць на сябе, купілі фудтрак і сталі рабіць шаурму пад брэндам Kolejny kebab. І да іх нават аднойчы заязджала Святлана Ціханоўская.
Аляксандра Касяновіч, івэнт-прадзюсерка і рэжысёрка, два гады таму вырашыла сысці з працы, каб рэалізаваць мару — адкрыць прастору для таленавітых людзей. Без каманды вясной 2026 года яна запусціла праект «Гасцёўня» — музычныя імерсіўныя вечары ў Варшаве. Ужо адбылося два івэнты, дзе прагучала аўтарская прафесійная музыка і асабістыя гісторыі артыстаў па тэме вечароў, а госці не толькі ўдзельнічалі, але і частаваліся хатнім хлебам, які выпякае Аляксандра.
Калі ў канцы 2010-х вы наведвалі івенты «Цемра» ці тусоўкі ў ОК16, то напэўна ведаеце гэтае імя. Тэхна-прадзюсар Tobikz выпускаўся на еўрапейскіх лэйблах накшталт Finder і Wicked Waves і дзяліў студыі з нямецкімі і ўкраінскімі артыстамі. Але цяпер яго рэальнасць іншая: пасля ўкраінскага Майдана 2014 года, беларускіх пратэстаў і пераезду ў Польшчу ён праводзіць па 14–16 гадзін за рулём «карча», развозячы замовы па Гдыні і яе аколіцах.
Андрэй Дашкевіч штодня працуе з кейсамі прадпрымальнікаў-эмігрантаў у Польшчы — як уладальнік і галоўны бухгалтар варшаўскай кампаніі W12.pl. Бюро адкрылася ў 2022 годзе, а сёння каманда з 11 спецыялістаў абслугоўвае больш за 120 бізнесаў.
Алёна Смаляк, заснавальніца і кіраўніца моўнай школы Polish for Belarus, пачынала свой бізнес, даслоўна, з пакоя ў інтэрнаце. А зараз у яе школе вучыцца больш за тысячу студэнтаў, працуе каля 50 супрацоўнікаў, а за дзесяць гадоў існавання курсы Polish for Belarus скончылі больш за 10 тысяч чалавек.
Наста Васючэнка — дызайнерка адзення і аксесуараў, заснавальніца брэнду KANVA. Гэта яна прыдумала завушніцы з саломы і пярлін, якія носяць беларускія модніцы па ўсім свеце.
Беларусы Уроцлава, якія хоць нешта чулі пра ёгу, стоадсоткава ведаюць «рудую выкладчыцу, якая праводзіць заняткі для беларусаў». Пра тое, ці можна жыць за кошт ёгі, распавядае Таццяна, настаўніца студыі Drzewo Życia.
Іван Галкоўскі і Марыя разам адкрылі ў Варшаве кафэ Jedna miłość, дзе Іван — аўтар рэцэптаў, а Марыя — прадавец, адміністратар, маркетолаг і муза. У кафэ можна купіць чабурэкі, пельмені, сырнікі, боршч — адным словам, усё тое, што Іван марыў прадаваць у Іспаніі.
Георгій Бізюк паміж пастаяннымі падарожжамі здымае канцэрты ды кліпы — Krok Films Production ён заснаваў у Мінску восем гадоў таму, а пасля паспеў пажыць у Грузіі і Індыі, але канчаткова абаснаваўся толькі ў Варшаве, дзе і працягнуў жыць ягоны праект.
Беларуская паэтка і мастачка Наталка Хвоя (Наталля Бордак) збірае сродкі на публікацыю паэтычнага зборніка «Тры кроплі», які плануе выдаць RozUM Media напачатку верасня. Меркаваны наклад — 200 асобнікаў.
