Пасля 10 гадоў кар'еры ў IT беларуска Анастасія Галезнік кардынальна змяніла прафесійны шлях. Пасля нараджэння першага дзіцяці яна захапілася фатаграфіяй, а пазней адкрыла для сябе рэдкую нішу — здымку родаў.
Дзмітрый Канапелька валодаў IT-кампаніяй, а Павел Лукаянаў — сэрвісным цэнтрам у Беларусі. Яны пазнаёміліся ў бабруйскай калоніі, а пасля вызвалення пераехалі ў Польшчу. У канцы 2025 года партнёры запусцілі ў Варшаве ўласны клінінг BoberDober — праект стаў адказам на немагчымасць хутка знайсці працу ў эміграцыі без ведання мовы. Пра тое, ці атрымліваецца будаваць бізнес, расказвае «Наша Ніва».
Думаеце, што складана пераехаць з адной краіны ў другую, калі ў цябе шмат рэчаў, дзеці і котка? А ўявіце сабе рэлакацыю з двума канямі і шасцю сабакамі. Напрыканцы 2021 года беларускія фермеры з Браслаўшчыны рашыліся рэлацыраваць сваю гаспадарку на хутар пад Кракавам.
У маі 2026 года паўднёвакарэйская кампанія DelightRoom закрыла здзелку па куплі Noji — дадатку для навучання з дапамогай флэш-картак. Гэты праект запусцілі ў 2020 годзе беларусы Андрэй Бандарэнка і Максім Абрамчук, а таксама Даніл Гантоўнік з Літвы. За амаль шэсць гадоў без знешніх інвестыцый стартап прыцягнуў больш за 6 млн карыстальнікаў, набраў 100 000 актыўных падпісчыкаў і выйшаў на гадавую выручку ў $4 млн.
Беларус Вадзім Хайко, заснавальнік мэблевай кампаніі Shagal.by, прайшоў класічны шлях прадпрымальніка: ад зборшчыка мэблі ў найме да ўладальніка буйной вытворчасці ў Мінску. Сёння вытворчасць, якую заснаваў беларус, займае амаль 1200 квадратных метраў, а над вырабам мэблі працуюць каля 30 чалавек, якія ствараюць складаныя інтэр’ерныя рашэнні — ад дзвярэй і кухняў да мяккай мэблі.
Аляксандра пераехала з Беларусі ва Ўроцлаў у чэрвені 2021 года разам з мужам, двума катамі і вялікім досведам у івэнт-індустрыі. Нейкі час атрымлівалася падтрымліваць сувязь з мінулымі кліентамі і працаваць дыстанцыйна, але ў 2022 годзе івэнт-менеджарка вырашыла пачаць рабіць мерапрыемствы ў Польшчы.
Беларусы Сяргей Гунь і Аляксандр Бабіч у Польшчы збіраюць драўляныя лазні з гатовых камплектаў. Нядаўна майстры апублікавалі ў Facebook відэа, у якім паказалі зборку адной з канструкцый усяго за 12 гадзін.
Алена Карпава адкрыла кнігарню «Букіністка» ў Варшаве ў 2024 годзе разам з бізнес-партнёркай Уладай. За гэты час крама пачала прадаваць беларускую літаратуру, змяніла лакацыю і нават запусціла выдавецтва. «Справы» пагаварылі з Аленай пра тое, як ідэя прадаць уласныя кнігі вырасла ў краму і як гэта — весці кніжны бізнес у Польшчы.
Беларусы Уладзімір Маляўка і Павал Дзяркач ужо пяты год развіваюць беларускі крэатыўны брэнд адзення Znivien. Спецыяльна для spravy.io Уладзімір расказаў пра тое, чаму цяпер ім прыходзіцца цалкам адмовіцца ад продажаў у Беларусі і чаму не атрымалася выйсці з крэатыўнымі прынтамі на антываенную расійскую аўдыторыю.
Выпускнік эканамічнага факультэта БДУ і майстар па ўкладцы ламінату Глеб Кулік прыдумаў стартап у сферы рытуальных паслуг. Ён распрацоўвае праект Digital Step — сэрвіс па ўстаноўцы QR-кодаў на надмагіллях, якія вядуць на персанальныя старонкі памяці.
